BINTANGOR: Pengaga urung 50 nembiak mit ari Rumah Nembiak Mit Methodist Sibu bisi nemuai ke Bintangor, lalu nya pekara ngaul penyiru ngasuh komuniti dia berasai sinu.

Penemuai sida nya ukai semina pejalai ngapa, tang peluang nembiak mit ngasai diri dikeibuh komuniti enggau meri pengandal ngagai sida nengah randau enggau bala tuai sereta peranak dia.

Kaban Kunsil Nengeri (ADUN) Meradong, Datuk Ding Kuong Hiing enggau bini, Datin Kueh Nai Fun datai ngambat raban nya di Pak Kupi Wan Lung, baka nyambut penatai diri sebilik.

Sekumbang program nya, sida ulih berandau, bekunsi cherita enggau ngasai ke pementas komuniti dia, lalu nya ngasuh ati sida lantang laban bisi orang ngenati.

Berebak enggau nya, Datuk Ding meri terima kasih ke pemanah ngatur program nya sereta madah kediri gaga ulih limpang begulai enggau bala nembiak nya.

“Bala anak tu tanggungpengawa enggau pengarap dudi hari. Sida ukai semina begunaka pelajar aja, tang mega pengasih, penyiru enggau peransang idup ari semua kitai,” ku iya kena Hari Satu.

Iya mega madah kediri sinu betatika nasip orang tasah angus di Rumah Nancy, Sungai Meradong, ti lenyau endur diau sereta reta tengkira.

Enggau ati kasih, iya ngerandau sida ti udah tusah karam di darat lalu meri jaku peransang ngambi sida nya liat ati napi penguji besai.

Penatai iya ukai semina meri peransang aja, tang lambang segulai sejalai enggau rayat maya napi penusah.-EDISI UKAS