MIRI: Penyiru komuniti ditagih lebuh dua iku ti bisi penanggul ba pending begunaka bantu belanja dikena beputung implan koklea ti besai belanja.

Sapit Menteri Dagang Temuai, Industri Kreatif enggau Seni Pemerindang (Dagang Temuai) ti mega ADUN Piasau, Datuk Sebastian Ting Chiew Yew madah, Flora Lee Kai Shuan enggau Andy Harrison bela begunaka urung RM125,000 dikena berubat.

Ku iya, pengawa ngiga belanja diatu benung chakah dipejalai, tang baru bulih RM50,000 naka diatu, agi kurang RM200,000 da dikena mayar belanja beputung.

Berindik ari nya, iya nesau komuniti di Miri sama gerah jari mantu kelai solidariti enggau penyiru, sereta mantu ngelempung belanja ti ditapi sida sebilik.

Iya nyemetak madah, sukung ari komuniti ukai semina beguna ari sukung belanja aja, tang ulih meri pengarap baru ngagai sida bisi pengidup ti bekualiti agi dudi hari.-EDISI UKAS