RTP Nambah Perengkaguna Pelajar Menua Pesisir Di Sarikei
SARIKEI: Program Transformasyen Menua Pesisir (RTP) terus nambah perengkaguna pelajar ba kandang menua pesisir sereta ngedut seraka entara sekula mengeri enggau menua pesisir ba bagi menua tu.
Sapit Menteri Kebun Dandang Besai enggau Komoditi ti mega Kaban Parlimen Sarikei sereta Kaban Kunsil Nengeri (ADUN) Repok, Dato’ Sri Huang Tiong Sii madah, inisiatif nya nyendiaka rampa belajar ti lantang agi ngagai raban sekula.
Iya madah, sekeda sekula ba menua Meradong udah dikelala nerima projek nyeruri ngena agih belanja RTP ti ngaul pengawa nyeruri fasiliti pemun enggau infrastruktur sekula.
Entara sekula nerima pemaik nya Sekula Primari Bansa China Cina (SJKC) Min Daik di Meradong ti diatu pengawa nyeruri benung dipejalai.
Pengari iya, Wong Soon Mee udah bejadi pengawa nyerah projek RTP nyeruri fasiliti ba sekula nya, sehari tu.
Huang madah, perengkaguna ti meruan agi uka semina nyukung pengawa belajar aja, tang ulih meri peransang ngulihka penyulut.
Iya mega madah, projek RTP mega meri pengelantang ngagai komuniti menua lebuh perengkaguna sekula ulih dikena ngatur bemacham aktiviti ngaul komuniti.-EDISI UKAS
