KAPIT: Komuniti di Kapit terus nambah komitmen ba pemeruan rampa menua lebuh ngambi bagi ba program Earth Hour 2026 Renggat Nengeri Sarawak nengah online, Hari Enam.
Program ti diatur di Stadium Mini Sri Aman nya besuluka jaku“The Biggest Hour For Earth”, enggau tuju meri pengeleda ngagai mensia mayuh bekaul pemesai guna nyaga rampa menua sereta bekelimat ngena kuasa.
Program nya bepun pukul 8.30 malam nengah simbolik madam lampu pengelama sejam, ti disempulang komuniti Kapit chara online begulai enggau mayuh raban bekuasa lokal (PBT) ba selampur Sarawak.
Entara PBT iya nya Dewan Bandaraya Kuching Utara (DBKU), Majlis Bandaraya Kuching Selatan (MBKS) sereta kaunsil pelilih bukai ari Limbang nyentuk Lundu, seraya mandangka semangat begulai nyukung inisiatif global mutar ubah klimet.
Sepanjai program nya, bala penyereta mega meda pemandang video rasmi Earth Hour 2026 sereta montaj khas ari Kaunsil Pelilih Sri Aman ti nyadi tuai rumah program besai nya.
Pia mega, pengawa mantaika pemenang Pekit Poster diatur Kaunsil Pelilih Menua Pesisir Sibu (MDLBS) mega ngerichah program seraya meri peluang ngagai komuniti mandangka kreativiti ngenatai pesan nyaga rampa menua.
