KOTA KINABALU: Dion Das Louis sekali agi nempa penyulut alai iya mujur bulih dua midul pirak ba Dance World Cup Malaysia Qualifier 2026 ke diatur Opis Main Asal enggau Seni Menua (JKKN) Sabah ari 28 ngagai 29 Mac tu tadi.

Dion mega semina siku aja pengari ari Sarawak ngambi bagi ba pekit nya.

Ba pekit nya iya ngambi bagi ba dua kategori iya nya Mini Solo National Folklore enggau Senior Duo Folklore.

Ba kategori solo, Dion mantaika tanda ngading jerita lama Bujang Berani, Agi Idup Agi Ngelaban.

Ke sekali tu iya mandangka penegap bujang berani ti disempulang enggau pesaka asal.

Ba kategori Senior Duo Folklore, Dion begulai enggau penyereta ari Sabah, Mohamad Haykal nengah tanda begela Kanjet Lian Sura, pesaka lama ari Borneo.

Enggau nya Dion dipadu ngarika Malaysia ngagai Dance World Cup, World Finals 2026 ke diatur di Dublin, Ireland, bulan Julai tu. -EDISI UKAS