KUCHING: Unit Komunikasi Awam Sarawak (UKAS) nerima penemuai basa ari Unit Pengelikun enggau Penerit Adat Sarawak (UKPS) ditu, Hari Dua.
Penemuai basa nya dikena berandauka pengulih nempa kerejasama strategik ba pekara bekaul media enggau komunikasyen.
Deligit UKPS betuai ke Sapit Direktor UKPS, Abang Ahmad Abang Julai lalu disambut Direktor UKAS, Awang Putrayusrie Awang Redzuan sereta bala pegawai kanan UKAS.
Randau nya lebih agi bekaul perambu ngena perengkaguna studio UKAS ngeluarka podcast sereta bekunsi penemu enggau pengelandik media nengah latih bekaul enggau embing ba mua kemira dikena nambahka pengulih komunikasyen staf UKPS.
Kelimpah ari nya, dua agensi nya bela setuju ngenegapka pengawa begulai ba pekara jaku tesau strategik ngaul pengawa nambah penemu mensia mayuh baka penyakit rabies, pengelikun pemakai enggau ai sereta negap penerang maya gawa ba menua.
Kerejasama nya mega ngaul raban UKAS nyadi bakih strategik ba siri episod UKPS enggau program ngaul komuniti begulai enggau raban bekuasa lokal sereta agensi penerit adat bukai, lalu nentuka penerang perintah dikenatai betul enggau nemban agi ngagai komuniti.-EDISI UKAS
