MIRI: Pengawa besikap ngatur Program Sarawakku Sayang 2026 di Bagi Menua Miri ditegap nengah pengawa besaup gawa ngaul mayuh agensi, nentuka program lanchar enggau empas besai ngagai rayat.

Sapit Sekretari Perintah Sarawak (Administrasyen), Datu Felicia Tan Ya Hua ngetuai ke pejalai ngabas taba ke Stadium Miri ungkup berati tikas besikap ari sukut logistik, teknikal enggau operasyen dikena negapka perambu program besai nya.

Pejalai nya ngayanka chara perintah gawa nentuka pengawa besikap digaga manah, kelebih agi ba ngatur program besai chara berurun enggau meruan.

Tembu ngabas taba, iya lalu ngetuai ke aum penyeraris ba Bilik Aum Ringkat 9, Opis Residen Miri ti ngempuru mayuh agensi bekaul ngambi sama mantaika ripot pejalai pengawa enggau pangku pengawa diri empu.

Entara batang aum nyengkaum perambu nyendia palan media rasmi ungkup randau begulai enggau Premier Sarawak, lalu nya mandangka pemesai guna pengawa ngatur komunikasyen ti strategik enggau berurun.

Aum nya diatur ari pukul 11.30 pagi nyentuk 3.15 ngalih hari lalu nya deka ditampung baru kena 20 April tu dikena ngaluska pejalai pengawa.

Chara gawa strategik nya mandangka perintah naka ulih nentuka Program Sarawakku Sayang 2026 di Miri ukai semina lancha raja, tang meri empas besai ngagai rayat.-EDISI UKAS