KUCHING: Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi udah datai ngabang Aidilfitri ngagai Sekretari Perintah Sarawak Datuk Amar Mohamad Abu Bakar Marzuki, Hari Satu.

Penatai seduai mandang pengeran ngenegap pemanah kaul enggau pangan diri.

Maya nya, penatai seduai bela disambut bini Datuk Amar Mohamad Abu Bakar, Dato Hajah Baduyah Bujang sereta sida sebilik ba rumah di Siol Kandis, Petra Jaya.

Luyar Besai Sarawak Dato Sri Saferi Ali enggau bini Datin Sri Sharifah Ema Fazilla Wan Aidulfitri mega bisi datai ngerichah pengawa maya nya.

Penatai Tun Pehin Sri enggau Toh Puan nya sebagi ari pengawa seduai ngabang Aidilfitri ke nyadi pelasar nyintalka agi kaul pemesai nengeri enggau pengereja pengawa perintah Sarawak ti bela ngelai penegap kaul rayat di Sarawak. -EDISI UKAS

Gambar: Astana Sarawak