Pengerembai Berita Bula, Propaganda Media Rama Ngeruga Penyerakup Rayat
KUCHING: Pengerembai berita bula enggau propaganda sebelah media rama diperati ulih meri empas besai ngagai rayat sereta ngeruga penyerakup enti sema enda ditagang manah.
Sapit Menteri ba Opis Premier Sarawak (Pekara Korporat, Pemadah enggau UKAS), Datuk Abdullah Saidol madah, pengerembai deras tekonologi komunikasyen maya diatu ngasuh nyau deka serap rayat ulih akses media rama nengah telefon pintar, lalu nya meri peluang pengerembai berita bula.
“Bejimat enggau pengerembai berita bula enggau cherita selebubu ngapa ti ngajum raban bansa sereta mejah pengarap enggau tuju ngasuh rayat pupu bansa baban.
“Tentuka pengamat penerang lalu anang beguai ngerembaika berita ti empai temu pun,” ku iya ngelalau.
Iya nibar ke jaku lalau nya ba mua mayuh rambau Pengerami Ramah Tamah Aidilfitri Gempung Kaban Berbaiah 30 Sarawak (GAB30), ditu, Hari Lima.
Datuk Abdullah mega madah, pemansang siti-siti menua ukai semina bepanggai ba pemansang fizikal aja, tang mega ba pementas, pemanah kaul enggau integriti moral rayat pupu bansa.-EDISI UKAS
