KUCHING: Kaunsil Pemansang enggau Pengintu Tanah (LCDA) majak negapka pangku pengawa strategik ngeranchak pemansang mengeri enggau menua pesisir, lalu nya negapka agenda Palan Pemansang Menua Pesisir di Sarawak.
Sapit Premier Sarawak, Datuk Amar Awang Tengah Ali Hasan madah, pengeregas agensi nya mungkur mayuh pemansang nyengkaum projek pemansang baru mengeri enggau perambu menua baru di selampur nengeri.
“LCDA sekali ke nyata ngambi bagi tauka enda ba pemansang mengeri besai sereta menua pesisir, lalu tu ngasuh agensi tu nyadi komponen besai numbuhka palan menua pesisir,” ku iya lebuh dirandau media, kena Hari Enam.
Iya madah, kelimpah perambu mengeri, LCDA mega ngesan tanggungpengawa besai bejalaika projek berumah, kelebih agi rumah ulih dibeli dikena nangkup peminta rayat.
“Kitai udah bejalaika mayuh projek rumah ulih dibeli baka di Darul Hana enggau konsep tu deka dikerembai ngagai menua bukai nyengkaum Lawas, kelimpah ngaul program pengentap pendiau baru sereta nangkir genturung pendiau begulai enggau agensi bekaul,” terang iya.
Berindik ari nya, iya madah ke jasa LCDA ba pemansang nengeri chukup besai lalu ngarap ke agensi nya terus ditegap nyungkak pemansang Sarawak ti meruan enggau inklusif.-EDISI UKAS
