RTP RM500,000 Ungkup Projek Infrastruktur Rumah Jonathan Mingan
PAKAN: Rumah Jonathan Mingan, Beruru ditu udah nerima agih belanja RM500,000 ari Program Transformasyen Menua Pesisir (RTP) dikena ngaga infrastruktur rumah panjai nya.
Kaban Kunsil Nengeri (ADUN) Pakan, Tan Sri William Mawan Ikom madah, projek ke udah tembu nya nyengkaum gerija enggau jematan ke beungkus bela RM200,000 sereta projek jalai semin, RM100,000.
Bejaku maya pengerami bejadi projek nya, Hari Empat, iya madah, RTP nyadi chara dikena ngerumban pengawa ngaga projek ke endang dikena rayat.
ku iya, projek menua pesisir baka jalai enggau jematan beguna bendar ungkup pengelantang rayat mayuh.
Iya madah, RTP mega meri awak ngagai pengari rayat nentuka bagi projek ke patut dulu agi digaga lalu ngira guna ke bendar projek nya ngagai rayat.
