Yang Di-Pertua Negeri Sarawak Nerima Penemuai Basa Premier Sarawak
KUCHING: Yang Di-Pertua Negeri Sarawak, Tun Pehin Sri Dr. Wan Junaidi Tuanku Jaafar udah nerima penemuai basa Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg di Astana Negeri Sarawak, Hari Empat tu tadi.
Tuju penemuai basa nya dikena minta pemendar sereta nerang agenda Kaunsil Aum Perintah Nengeri (MMKN).
Pengawa nya endang suah diatur ngelai kerejasama tegap institusyen Yang Di-Pertua Negeri enggau tuai eksekutif nengeri dikena nentu pengawa ngatur sereta ngadu pemansang Sarawak dipejalaika enggau mujur.
Awak nya bela dikena besilih penemu senentang pekara bekaul pengelantang rayat enggau kuing tuju pemansang nengeri tu.-EDISI UKAS
