KANOWIT: Pengawa Niti Daun serimbai Karnival Main Asal Kanowit (KCF) 2026 dirichah urung 1,000 iku penyereta enggau mensia mayuh ti mandangka penegap identiti budaya lalu tau nyadi pematak dagang temuai ninting taun Pelilih Kanowit.

Pengawa keterubah iya diatur nya digulu 35 kontinjen nyengkaum opis perintah, agensi prebet, gerempung ukai dikuasa perintah (NGO), sekula enggau komuniti menua nya.

Pengawa bejalai bebala mayuh nya berengkah ari Opis Pelilih Kanowit datai ba Panggau KCF 2026 di Tebing Sungai Kanowit.

Menteri Penyerakup Menua ke mega Kaban Parlimen Kanowit, Datuk Aaron Ago Dagang betuaika pengawa nya lalu disempulang Kaban Kunsil Nengeri (ADUN) Ngemah, Anyi Jana enggau ADUN Machan, Allan Siden Gramong.

Bela datai maya nya Pegawai Pelilih Kanowit Cerisologo Sabut ke nyadi chairman komiti pengerami enggau Temenggong Stanley Geramong Bandar.-EDISI UKAS