KUCHING: Sapit Menteri ba Opis Premier Sarawak (Pekara Korporat, Pemadah enggau UKAS) Datuk Abdullah Saidol ngelimpang awak diri ngabas tukang gambar Unit Komunikasi Awam Sarawak (UKAS), Jaed Tepus ti tembu beputung ketegal riman gelung perut di Hospital Besai Sarawak (HUS).

Iya datai di HUS urung pukul 4.30 lalu disempulang sekeda pegawai kanan UKAS.

Ba pejalai ngabas nya, Datuk Abdullah mega meri sukung moral ngagai Jaed (60) ngambi liat ati napi penguji tu.

Iya mega ngarap Jaed pulai gerai baka selama lalu ulih gawa baru.

Sebedau mupuk pulai, Datuk Abdullah mega meri pemeri dikena ngelempung tating belanja sida Jaed sebilik.

Pia mega, Presiden Gerempung Pemberita Bebas Kuching (PEWARTA), Peter Sibon enggau pengari Kelab Ngintu Pengelantang UKAS, Anwar Hanafi mega nyuaka pemeri ngagai iya. - EDISI UKAS