Raptai nya nentuka pengelanchar ba pengerami makai lemai ti deka digulu Yang di-Pertua Negeri Sarawak Tun Pehin Sri Dr Wan Junaidi Tuanku Jaafar engggau Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg kena Hari Satu tu.
Raptai tu mega mandang pemerindang ti deka diatur nentuka pengawa nya diatur nitih ke atur enggau protokol ti engkeman enggau pengerami rasmi ti digulu tuai Sarawak.
Entara pemerindang ti deka dipandang iya nya tanda ari Artis Tari Kaunsil Seni Sarawak sereta penanyi menua ti diiring Simfoni Orkestra Negeri Sarawak.
Pengerami makai lemai tu diatur serimbai Pengawa Bejadi Aum Keterubah Penggal Kelima Aum DUN Ke-19 ti diatur belabuh ari 11 nyentuk 20 Mei tu.
Pengawa Bejadi Ngepun Aum Keterubah Penggal Kelima Aum DUN Ke-19deka diatur kena Hari Lima tu di Dataran Perbarisan Begunnan DUN Sarawak lalu dipenyadi Yang di-Pertua Negeri Sarawak sebedau pengerami makai lemai diatur di Dewan Santapan Begunan DUN Sarawak. -EDISI UKAS
Pemberita: Ahmad Daniel Faiz
Gambar: Ibanez Jeffery
