Kaban Kunsil Nengeri (ADUN) Balingian, Abdul Yakub Arbi madah, adat enggau budaya ke ditampung kenyau ari kelia nya meseti dijaga belama sereta disagu ngambi enda lenyau disegang arus pemansang jeman moden.
“Berebak enggau nya, adat enggau budaya mega patut disulur ngagai rebak dudi ngambi identiti enggau pesaka kitai mengkang idup enggau dilati,” ku iya.
Iya nibar ke jaku nya lebuh bejaku bejadika Pengerami Ngiling Bidai Rumah Seliau, kena Hari Minggu.
Berebak enggau nya, Abdul Yakub mega bisi nyua dua pemeri dua unit lampu solar ungkup dokena ba jelatung rumah panjai nya.
Ku iya, nya dikena nambahka perengkaguna sereta pengelikun peranak dia, lebih agi raban orang berikan ti ngena jelatung maya malam hari.
“Perengkaguna tu disadang deka meri pengelantang ngagai peranak, nambah tikas idup enggau nyukung pemansang peranak menua pesisir.
“Tu mega nunjukka semangat kerejasama enggau penyiru semua raban ti meri pemaik ngagai rayat,” ku iya.
Sama datai, Pegawai Nguasa Opis Pelilih Mit Balingian Nolin Gendang, Pegawai Penyerakup Bansa Bagi Menua Mukah Mohammad Raffie Mohammad Isma, Tr Seliau Randi enggau Tr Umin Meringgai.-EDISI UKAS
