KUCHING: Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi nerima penemuai basa delegit Universiti Teknologi Sarawak (UTS) di Astana Negeri Sarawak, Hari Tiga.
Tuju penemuai basa nya diuluka Mandal Canselor UTS, Ir Ts Prof Dr Mohammad Shahril Osman deka ngelaluka Tun Pehin Sri Dr Wan Junaidi ke nyadi Canselor UTS bejadika Pengerami Konvokesyen UTS Ke-11 ke deka diatur ba Dewan Canselor Tun Abdul Taib Mahmud kena 14 enggau 15 November tu.
Dr Mohammad Shahril madah, Tun Pehin Sri Dr Wan Junaidi disadang deka ngulu hari keterubah pengerami nya.
Kelimpah ari nya, awak nya bela dikena iya madahka diri ngagai Yang di-Pertua Negeri Sarawak sepengudah dichiri nyadi Mandal Canselor Ketiga UTS kena 1 Julai tu tadi.
Maya nya mega, Tun Pehin Sri Dr Wan Junaidi diterangka enggau pemansang pemadu baru UTS.-EDISI UKAS
Pemberita: Ahmad Daniel Faiz
Gambar: Shahril Haqim
