Kaban Parlimen Sri Aman, Dato Sri Doris Sophia Brodie madah ke bantu nengah Majlis Sejambak Kasih 2026 nya meri pemaik ngagai raban ti begunaka bantu, kelebih agi Orang Timpang Pendiau (OKU), orang tuai enggau indai tunggal.
Ku iya, inisiatif nya ukai semina mantu ngelempung tating penerima, tang mega mandangka penyiru komuniti nyaga pengelantang raban nya.
“Nengah pengawa ngagihka bantu tu, sida deka ngeleda agi tubah orang ti siru ke penusah ditapi sida sebedau tu.
“Tu mega meri peransang sereta semangat ngagai raban diselinting nya majak liat ati napi pemar enggau penguji,” ku iya.
Iya madah munyi nya ba pengawa nya di Balai Begunan PMA Chee Chuan Khor Sri Aman kena Hari Enam.
Pia mega, Dato Idris madah ke pangku pengawa PMA Chee Chuan Khor bejalaika pengawa ngintu pengelantang enggau bantu ngagai raban dituju patut dikenang.
Ku iya, pengawa gerempung nya nyaup komuniti nadai ngira tirai juru pengarap enggau raban bansa mega mandangka semangat beserakup sereta penyiru ngagai komuniti menua. - EDISI UKAS
