SELANGOR: Atlit angkat berat, Sona Agon baka ke dipelaba mujur bulih midul emas ba kategori indu lebih 61 kilogram Para Lumba Malaysia (Para SUKMA) XXII Selangor 2026, Hari Dua.
Atlit beumur 37 taun nya mnandangka penyulut ba renggat final alai iya mujur ngangkat 91 kilogram lalu ngalahka pengari tuai rumah, Rosnani Kasim ti ngangkat 80 kg.
Penuduk lumur tiga diempu pengari ari Pahang, Melinda Tiong Zhing Zhing enggau pemerat 75kg.
Ba kategori lelaki 80 kg ke atas, pengari Sarawak, Mohd Firdaus Affandi bulih penuduk lumur dua enggau pemerat 130 kg, semina kurang tujuh kilogram ari Mohammad Akmal Danish ke ngempu gela champion nengah 137 kg pemerat.
Penuduk luMur tiga diempu Mohamad Azam Asmawi sepengudah ngerikod 125 kg. -EDISI UKAS
