BINTANGOR: Projek ngaga tebing Sungai Bintangor disadang deka ditender ujung taun tu.

Kaban Kunsil Nengeri (ADUN) Meradong, Datuk Ding Kuong Hiing madah, taba endur ngaga projek nya udah dikemendarka Opis Bekuasa Perambu Nengeri (SPA).

"Projek tu udah ba renggat pengujung ngaga langkar lalu ngarapka ulih ditender ujung taun tu.

"Nyangka projek tu ulih berengkah digaga taun siti agi," pia ku iya madah.

Iya nerangka pekara nya maya Pengerami Nutup Pesta Meradong 2026 ditu, empai lama tu tadi.

Datuk Ding madah, pemansang infrastruktur nya beguna dikena nentuka endur nya bisi perengka guna ungkup rayat mayuh.

"Tu mega mandangka pengeransing perintah numbuh pemansang infrastruktur nyengkaum di Bintangor ke mai pemaik ngagai rayat," ku iya madah baru. -EDISI UKAS