MANILA: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg udah datai ditu, Hari Satu, serimbai program nemuai gawa ngagai Asian Development Bank (ADB).

Iya nguluka delegit Sarawak ke disempulang pegawai perintah nengeri sereta pengari agensi enggau entiti strategik nengeri nyengkaum Bank Pemansang Sarawak (DBOS), Sarawak Energy Berhad enggau Petroleum Sarawak Berhad (PETROS).

Tu nyengkaum Pemangku Sekretari Perintah Sarawak Dato Sri Dr. Wan Lizozman Wan Omar, Sapit Menteri Utiliti Sarawak (Sarawak Energy enggau PETROS) Datuk Ibrahim Baki, Tuai Pegawai Eksekutif Kumpulan Sarawak Energy Datuk Sharbini Suhaili sereta Tuai Pegawai Eksekutif DBOS Datuk Laura Lee Ngion Hion, kelimpah pemesai ke bukai.

Seninjik datai dia, Datuk Patinggi Abang Zohari ngulu pengawa ngirup lemai lalu ditangkan makai lemai enggau ngulu program penerang.

Kena Hari Dua, iya dipadahka deka betemu enggau Presiden ADB lalu ditangkan ngulu aum Kaunsil Direktor ADB enggaU program 'fireside chat' begulai enggau ADB.

ADB siti institusyen wang pemansang multilateral ti nyukung pemansang ekonomi enggau rama di rantau Asia enggau Pasifik nengah jali, bantu teknikal sereta servis lalau. -EDISI UKAS