Premier Sarawak, Datuk Patinggi Tan Sri (Dr) Abang Abdul Rahman Zohari Tun Abang Openg madah, tu dikena nentuka genap iku rayat enda ngira dini endur bela ampit ngasika pemansang nengeri.
"Kitai enda ulih bechiping. Rayat di mengeri tauka menua pesisir endang disaup magang," pia ku iya.
Iya bejaku munyi nya maya pengerami bejadika Projek Jalai Batu Kawa ke Jalai Stephen Yong ditu, Hari Tiga.
Iya madah, pemansang infrasturktur mengeri bela dikemeratka nyengkaum digagaka jalai alun ngelawa menua pesisir sereta nambah akses ngagai perengka guna enggau peluang ekonomi.
Berebak enggau nya, Premier Sarawak bela madah, RM3.8 bilion diungkupka dikena ngaga jalai alun menua pesisir.
Iya madah, tu mandangka pengeransing Perintah Sarawak ukai semina ungkup kandang mengeri aja tang selampur menua ti begunaka pemansang ke manah agi. -EDISI UKAS
