Yang di-Pertua Negeri Sarawak Nerima Penemuai Basa RESPA
KUCHING: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi nerima penemuai basa ari deligit Pegawai Kanan Polis Pinchin Malaysia (RESPA) di Astana Negeri Sarawak, ditu, Hari Empat.
Penemuai basa nya betuaika Chairman RESPA, Dato Meor Chek Hussein Mahayuddin lalu tu penemuai basa keterubah RESPA ngagai Tun Pehin Sri Dr. Wan Junaidi kenyau iya dichiri nyadi Yang di-Pertua Negeri Sarawak.
Tuju penemuai basa nya dikena minta penemu sereta lalau ari Tun Pehin Sri Dr. Wan Junaidi dikena negap tunga kuing RESP ba timpuh ke deka datai.
Sama datai ba penemuai basa tu, Sapit Presiden RESPA, Dato Razali Basri enggau Datuk Christopher Wan Soo Kee, Mandal Presiden Dato Ahmad Nadzer Nordin enggau Dato Abdullah Ahmad Abdul Hamid, Bendahari Kehormat Dato Farid Mahmud, Pemangku Sekretari Besai Kehormat Tan Kim Chan sereta Kaban Komiti Dato Arshad Abd Jalil, Dr Leong Yue Khau, Arumugam Ramasamy enggau Dr Saadiah Kadir.-EDISI UKAS
