KUCHING: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah deka datai bejadika Pengerami Nutup Pekit Main Bol Tropi Emas Yayasan Sarawak 2025 ke diatur kena 29 November tu.

Pekara nya dipadah sepengudah penemuai basa sereta ngelaluka penatai Tun Pehin Sri Dr. Wan Junaidi enggau Toh Puan Datuk Patinggi Fauziah ari delegit Komiti Pengatur Pekit nya ditu, Hari Tiga.

Penemuai basa nya diuluka Menteri Dagang Temuai, Industri Kreatif enggau Seni Pemerindang Sarawak Dato Sri Abdul Karim Rahman Hamzah.

Bela datai maya nya, Direktor Yayasan Sarawak, Datu Mohamad Junaidi Mohidin sereta bala bukai. -EDISI UKAS