KUCHING: Deligit UNICEF ngatur penemuai basa ngagai Unit Komunikasi Awam Sarawak (UKAS) dikena negap kerejasama ba sukut promosyen, berita sereta bejalai ke program bekaul pengelantang nembiak mit di nengeri tu.
Penemuai basa nya betuai ke Tuai Komunikasyen UNICEF, Nico Manos Wieland diambat Direktor UKAS, Awang Putrayusrie Awang Redzuan.
Bela dikenang ba penemuai basa nya bekaul pengawa nambah manah nabur penerang sereta strategi komunikasyen begulai dikena nyaup inisiatif advokasi nembiak mit di Sarawak.
Kerejasama tu disadang negap pengawa nabur penerang bekaul pemansang nembiak mit sereta ngemanah pejalai program nengah saup komunikasyen ti berurun sereta mai pemaik.
Sama datai ba penemuai basa nya, Sri Gayathri V Velayutham, Pakar Komunikasyen (Media & Advokasi), Meena Sundramohana, Pegawai Komunikasyen, Bakih Komunikasyen Korporat ari Rashomon PR (Borneo) Sdn Bhd, Azreen Mohamed sereta raban pegawai UKAS. -EDISI UKAS
