Sarawak Diatu Engkeman Bejalaika Inisiatif Pelajar Pechuma
KUCHING: Sarawak diatu ba maya ti engkeman bejalaika inisiatif pelajar pechuma nentuka serap rayat bulih akses pelajar nadai ngira status ekonomi ruang bilik.
Kaban Kunsil Nengeri (ADUN) Daro Dr Safiee Ahmad madah, Perintah Sarawak nyendia belanja RM1.4 bilion dikena ngemanah pekara pelajar tumu nembiak mit, nipak juluk Sarawak nuju nengeri mansang sereta bepenatai pemisi tinggi.
“Nadai kebuah apai indai enda nganjung anak ke sekula laban perintah udah nyendia bantu ti chukup.
"Pelajar kunchi ngubah idup siku-siku,” ku iya maya Hari Apresiasyen Nembiak Mit Tabika enggau Taska KEMAS Parlimen Igan 2025 di Balai Daro, Hari Satu.
Nyadi kelai sukung ba perengka guna pelajar tumu nembiak mit di Igan, Dr Safiee mega madahka sekeda agih belanja baru mungkur RM130,000 dikena ngaga begunan baru Tabika KEMAS, RM500,000 dikena ngaga Begunan Tabika KEMAS Penasu sereta RM83,000 dikena nyeleti semua Tabika di sitak Daro. -EDISI UKAS
