KUCHING: Siti Palan Pengenduh (PPS) udah dibuka ba Bagi Menua Kuching berindik ari penusah bah ti dituntung sekeda endur naka pukul 12 tengah hari, Hari Enam.
PPS di Masjid Darul Istiqlaal, Kampung Sungai Maong nya diatu nyadi palan peranak ngenduh ketegal ai majak mansang.
Opis Pengelantang Komuniti (JKM) madah ke staf sida deka berumban kia nentuka semua raban tasah bah direjister dalam sistem InfoBencana seraya ngemuntang pengawa nyadung bantu enggau matau sereta ngintu pengelantang.
Nya alai, mensia mayuh dipinta semampai berati ke gerah raban bekuasa enggau atur pengelikun ti patut nyema gaya hari enggau tikas ai majak mansang.
Penerang silik deka dipadah belama ari raban bekuasa bekaul.-EDISI UKAS
