KUCHING: Petroliam Nasional Berhad (PETRONAS) Sarawak nyadung 100 ketapu pengelikun ti disadung naggai mensia mayuh ti ngena stesyen minyak PETRONAS Darul Hana kelai sukung ngagai Kimpin Pengelikun Jalai Alun ba Program Ramadan Prihatin.
Menteri Pemansang Indu, Ruang Bilik enggau Komuniti, Dato Sri Nancy Shukri madah, tu meri peluang kelebih agi ngagai ruang bilik biak ti bedau chukup belanja kediri.
“Nya kebuah, tu peluang pemadu manah, bisi mega orang tuai (ti nerima) laban sida nya sebagi ari orang ti kadang enda ulih meli kediri,” ku iya.
Iya madah munyi nya lebuh dirandau pengudah bejadi Program Ramadan Prihatin: Pengawa Nyadung Bubur Lambuk enggau Kimpin Pengelikun Pulai Ke Menua ba stesyen minyak nya, kena Hari Enam.
Dato Sri Nancy meri terima kasih ngagai PETRONAS Sarawak laban meri pemeri ti bebida.
Kaban Parlimen Santubong nya mega ngarap pemeri ditampung ba endur bukai kelai mantu mensia mayuh.
Berebak enggau nya, iya mega bejadi simbolik nyadung bubur lambuk ngagai mensia mayuh ba stesyen minyak nya.
Nitih ke penerang, bisi 1,000 bubur lambuk disadung serimbai Program Ramadan Prihatin nya. -EDISI UKAS
Pemberita : Ahmad Daniel Faiz
Gambar: Mohd Safizul Fa'izad Paisan
