MIRI: Perintah Sarawak terus komited ngemujur agenda ngelantang orang tuai nengah bejalaika bemacham polisi ngintu pengelantang enggau pemansang inklusif ti bepuguka pengelantang rayat.

Menteri Pengangkut Sarawak ti mega Kaban Kunsil Nengeri (ADUN) Senadin, Dato Sri Lee Kim Shin madah, raban orang tuai nya tiang ruang bilik sereta pemun beguna ba pemansang komuniti ti patut terus dikenang enggau diberi perati.

Ku iya, pemansang enggau pengelantang ti diasai ke ba Miri sehari tu asil pengeransing, pengelelak sereta pengepuh rebak ti dulu.

“Perintah Sarawak deka terus negap polisi pengelantang sereta nyaga pengelantang orang tuai nengah inisiatif pemansang ti inklusif enggau bepuguka rayat,” ku iya.

Iya madah munyi nya ba Pengerami Ngintu Taun Baru China 2026 ba Palan Nyaga Orang Tuai (PPWE) Miri, ditu kena Hari Enam.

Iya nibak aspirasyen Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg ti ngemerat pemesai guna nempa komuniti ngelantang orang tuai nengah polisi enggau sukung meruan.

Nipak pekara nya, mayuh inisiatif bepelasarka komuniti udah dipejalai nyengkaum penumbuh palan aktiviti enggau servis orang tuai dikena nyendia palan interaksyen sosial, sukung pengerai sereta program pemansang diri.

Inisiatif mega chakah dipejalai begulai enggau raban bekuasa lokal nentuka perengkaguna mensia mayuh ti likun, muntang diakses enggau ngelantang orang tuai disedia ba mengeri enggau menua pesisir.

Ba pengerami sama, iya mega ngagihka geran sepenyampau RM10,000 ngagai PPWE Miri dikena nyukung aktiviti ninting taun palan nya kelimpah nyuaka angpau ngagai orang tuai beumur 80 taun enggau tuai ari nya.

Sama datai, Chairman Pengatur Pengerami Irene Lue, Chairman PPWE Miri Wee Ah Siew sereta bala orang tuai ba palan nya. - EDISI UKAS