SONG: Menteri Kereja Raya ti mega Kaban Parlimen Kapit Dato Sri Alexander Nanta Linggi ngelimpang awak diri ngulu Pengawa Buka Puasa Begulai Enggau Komuniti Islam Pelilih Song ti diatur ba pelaman Masjid Nurul Islam, Kampung Gelam, kena Hari Enam.

Pengawa diatur Komiti Pengatur (JKP) Masjid Nurul Islam nya ngempuru urung 60 peranak lokal dikena ngerapit kaul serimbai Ramadan.

Dato Sri Alexander mega ngena peluang nya berandau enggau komuniti Islam sebedau buka puasa seraya nibar jaku pandak meri selamat bepuasa enggau buka puasa ngagai semua raban Islam ba Song sereta ngarap Ramadan sekali tu mai berekat, penyerakup enggau pengelantang ngagai semua.

Sama datai iya nya Kaban Kunsil Nengeri (ADUN) Katibas Lidam Assan, Sapit Residen Bagi Menua Kapit Robert Liman, Pegawai Pelilih Song Harry Bruce Edwin, Sekretari Politik Menteri Kerja Raya Malaysia Datuk Elvine Runggah, Sekretari Politik Premier Sarawak Watson Awan, Chairman JKP Masjid Nurul Islam Sulaiman Boharie sereta Penghulu Abu Bakar Safiee. -EDISI UKAS