Tun Pehin Sri Dr. Wan Junaidi Nerima Penemuai Basa Luyar Besai Sarawak
KUCHING: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar nerima penemuai basa ari Luyar Besai Sarawak Dato Sri Saferi Ali ba rumah rasmi iya ditu, kena Hari Empat.
Tuju penemuai basa nya berang enggau ngemaru penerang senentang mayuh pekara bekaul
undang-undang enggau isu undang-undang nengeri.
Lebuh berandau, Tun Pehin Sri Dr. Wan Junaidi mega bekunsi sadang penemu enggau peneleba diri ba pengawa ngaul undang-undang enggau pengelikun ti tau nyadi malin ngagai Opis Luyar Besai Nengeri maya bejalaika tanggungpengawa ungkup pengelantang raya.
Entara bala datai ba penemuai basa nya Tuai Unit Pansik Dr Jady@Zaidi Hassim sereta Luyar Kanan Nengeri Mohd Adzrul Adzlan.-EDISI UKAS
