MERADONG: Projek nengah Program Transformasyen Menua Pesisir (RTP) di Meradong terus dipatau nentuka pemaik ulih diasai peranak menua pesisir.

Kaban Kunsil Nengeri (ADUN) Meradong, Datuk Ding Kuong Hiing madah, projek RTP nya inisiatif dipejalai belama dikena negap perengkaguna pemun enggau fasiliti komuniti.

Iya nerang, projek RTP ukai semina nambah perengkaguna fizikal aja, tang nambah pengelantang sereta penyerakup peranak menua nya.

Iya nibar ke jaku nya ba penemuai gawa ngabas sekeda projek dipatau Kaunsil Pelilih Meradong enggau Julau (MDMJ), kena Hari Tiga.

Entara projek dipejalai iya nya nyeruri begunan mayuhguna di St James Church (RM80,000), ngaga balai mayuhguna di Rumah Peter, Mador Ili (RM50,000) sereta nyungkur taba entepan entukar di Rumah Murieng, Sungai Kotak (RM50,000).

Sama data,I, Injinia MDMJ Nur Hazirah Sadong, Pemancha Yii Hee Sieng, Tuai Rumah Peter sereta Tuai Rumah Murieng.-EDISI UKAS