ASAJAYA: Menteri Dagang Temuai, Industri Kreatif enggau Seni Pemerindang Sarawak, Dato Sri Abdul Karim Rahman Hamzah, ngelimpangka awak diri sembiang Jumaat begulai enggau peranak menua nya di Masjid An-Najah.

Penatai iya ti mega Kaban Kunsil Nengeri (ADUN) Asajaya disambut Pegawai Daerah Asajaya, Jerry Zannuddin Bidin sereta bala tuai komuniti enggau kaban komiti masejit.

Tembu sembiang, iya limpang berandau enggau bala bukai seraya nanya berita enggau ngabas pemansang komuniti dia.

Penatai iya ba masejit nya sebagi ari aktiviti ngundang menua dikena ngerapit kaul entara tuai enggau rayat, kelimpah nentuka perengkaguna ba rumah sembiang di pelilih nya manah. -EDISI UKAS