MIRI: Pengerami Makai Lemai Taun Baru China Serakup Teochew Miri 2026 diatur richah, mandangka pengelantang rayat pupu bansa di Sarawak sereta ransing nempa penyulut pelajar rebak biak.

Menteri Pengangkut Sarawak ti mega ADUN Senadin, Dato Sri Lee Kim Shin madah, Sarawak betuah laban rayat idup likun enggau peneka ngemeran budaya enggau pengarap diri empu.

Ku iya, heri besai ti dirami sepanjai taun nyadi lambang penyerakup tegap ti patut dijaga manah.

“Pengelantang entara raban bansa enggau pengarap pugu penegap enggau pemansang nengeri,” ku iya.

iya mega madah, serakup baka Serakup Teochew ngesan pangku pengawa besai ngintu pesaka budaya sereta narak penyulut pelajar ba rebak biak.

Pengerami nya mega meda pengawa nyua Anugerah Penyulut Akademik ngagai bala anak kaban serakup ngambi nyadi peransang terus mujur.

Sama datai, Datuk Bandar Bandaraya Miri ti mega ADUN Pujut, Adam Yii Siew Sang sereta pengari Sapit Menteri Dagang Temuai, Industri Kreatif enggau Seni Pemerindang Sarawak ti mega ADUN Piasau, Datuk Sebastian Ting Chiew Yew. –EDISI UKAS