KUCHING: Pemeri RM200,000 nengah Belanja Program Transformasyen Menua Pesisir (RTP) udah mantu nembuka projek ngaga entepan kerita di Blessed Church, lalu nya meri pemaik ngagai komuniti menua.

Projek beungkus ngelui ari RM1 juta nya diatu udah tembu menyana lalu udah dikena raban gerija nya.

Kaban Kunsil Nengeri (ADUN) Batu Kitang Dato Ir Lo Khere Chiang madah, entepan kerita ti meruan enggau lantang agi beguna endar nentuka pengelantang enggau pengelikun penguna, kelebih agi maya aktiviti pengarap enggau program komuniti diatur.

“Agih belanja RTP diberi dikena nyukung pemansang perengkaguna pemun komuniti nadai ngira tirai juru, ke pengelantang rayat,” ku iya, kena Hari Minggu.

Iya mega madah, chara pemansang inklusif deka terus diberi perati, nyengkaum nambah perengkaguna mensia mayuh ba menua.

Projek nya mega ngayanka kerejasama rat entara pengari rayat enggau institusi komuniti na pengawa negap pemansang ti meruan.

Ari pemujur projek nya, raban gerija deka lantang agi lalu bemacham aktiviti komuniti ulih diatur lanchar dudi hari.-EDISI UKAS