LAWAS: Pengawa begusung serimbai Hari Raya Aidilfitri terus nyadi pelasar beguna ngerapit kaul enggau narak semangat segulai sejalai ba rayat pupu bansa.
Nipak pengagit ngintu hari besai, Sapit Premier Sarawak, Datuk Amar Awang Tengah Ali Hasan enggau bini mega limpang ngabas Tanah Pendam Islam Pulau Sari enggau Pulau Salam kena Hari Dua ungkup ngabas pendam apai indai enggau kaban belayan diri.
Ku iya, pengawa begusung ukai semina dikena ngenang orang dikesayau ti udah layu sulai aja, tang peluang belemati ke diri enggau besampika semengat sida diau likun enggau lantang.
Berebak enggau nya, iya mega bisi ngabang Aidilfitri ke rumah Awang Hamdan Datuk Awang Daud ditu, ti ngayan pengerapit kaul entara bala tuai enggau komuniti menua.
Pejalai ngabang nya mega peluang berandau enggau bala tuai seraya nanya berita sereta besapa ba hari ti besai reti.
Lawas nyadi sitak strategik di utara Sarawak ti ngayanka penyelai budaya sereta penyerakup ti tegap, kelebih agi pengawa begusung enggau ngabang ti dikemeran peranak dia.-EDISI UKAS
