SELANGAU: Sekeda projek nengah Program Transformasyen Menua Pesisir (RTP) 2026 di menua Selangau diatu udah tembu menyana lalu meri pemaik ngagai peranak dia.

Sesyen nyerah taba projek tembu begulai enggau Opis Kereja Raya (JKR) Bagi Menua Sibu udah diatur ba sekeda endur, kena Hari Empat.

Entara projek ti udah tembu ngaduka entepan kerita enggau jalai ba Rumah Paran Gerinang, Pelugau, nyeruri Jalai Kebun Sungai Anus sereta ngaga entepan entukar di Rumah Susy Dennis, Sekuau.

Berebak enggau nya, pejalai ngabas sekeda taba projek RTP 2026 ti diperambu mega bisi diatur, nyengkaum nyeruri Jalai Rumah Jering, jalai ke Tadika KEMAS di Tepus, Jalai Kebun Empilik sereta Jalai Rumah Joseph Bangau di Sepiring.

Tuju pejalai nya nyerenih gaya taba, pekara teknikal ti diguna enggau engkeman ke endar endur nya nentuka tetiap projek digaga meruan enggau nangkup peminta peranak.

Sama datai, Kaunselor Ajan Dau enggau Kaunselor Dido Saleh.-EDISI UKAS