DEBAK: Program Tuai Enggau Rayat enggau Pengerami Ramah Tamah Aidilfitri deka diatur di Riveria Sport Center, ditu, kena 17 April.

Sapit Menteri Pemansang Pengelantang Komuniti Sarawak, Datuk Mohammad Razi Sitam madah, Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg deka ngulu program nya lalu bejadi sekeda projek dia.

“Entara batang program nya pengawa bejadi enggau meri nama jalai baru ti udah tembu digaga nengah Program Projek Rayat ti nyambung peranak di Debak enggau Kampung Tuie,” ku iya pengudah aum penyeraris pejalai gawa Premier Sarawak ke Pelilih Mit Debak di Opis Residen Betong kena Hari Satu.

Kaban Kunsil Nengeri (ADUN) Saribas nya madah, Premier Sarawak mega disadang bejadika siti masejit baru di Pelilih Mit Debak pengudah Sembiang Jumaat enggau peranak dia lalu madah ke nama masejit nya.

Berindik ari nya, iya nesau semua peranak di DUN Saribas, kelebih agi ari menua Spaoh enggau Debak sama datai ngerichah program nya ila.-EDISI UKAS