BETONG: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg setuju nampung baru Skim Nangkir Genturung Pendiau (SPK) ba menua Debak ungkup menua ti empai nerima skim nya.
Ku iya, nampung pejalai SPK nya ari peminta Sapit Menteri Pemansang Indu, Nembiak Mit enggau Pengelantang Komuniti Sarawak ke mega Kaban Kunsil Nengeri (ADUN) Saribas Datuk Mohammad Razi Sitam.
“Kitai deka nampung pengawa di Saribas, ba menua ti dipinta Datuk Razi," terang iya lebuh bekunsi berita gaga nya ba mua mayuh rambau Program Tuai Begulai Enggau Rayat Kunsil Nengeri (DUN) Saribas di Palan Lumba Riveria, Debak kena Hari Lima.
Dulu ari nya, Datuk Razi Sitam udah minta Premier Sarawak berunding ngambi nampung baru peminta SPK ti udah dikemendar 245 lot ngagai genturung pendiau bukai nyengkaum ngerumbai peminta SPK Debak Renggat 2 ngaul 193 lot enggau renggat 1 diatu diigaga bisi 52 lot.
Ku iya, nya dikena meri pengelantang ngagai peranak genturung pendiau dia ke diatu bededat.
“Nya alai, aku minta Perintah Sarawak ngemendarka SPK ngagai genturung pendiau ti empai minta tauka genturung pendiau ti udah nganjung pendiau ngagai Opis Tanah enggau Survei (JTS) Betong ngambi diperunding sereta peminta SPK Debak Renggat 2 sepiak masejit.
Ke penemu, skim nya ngaul SPK Kampung Debak Laut, Kampung Bungin, Kampung Serembang, Kampung Manggut, Kampung Sebemban sereta SPK Debak Baharu ti mungkur 245 lot rumah.
Iya mega minta enam SPK ti udah tembu bela digaga ke Rumah Spektra Permata baka di Spaoh. -EDISI UKAS
Pemberita: Ahmad Daniel Faiz
Gambar: Ibanez Jeffery
