KUCHING: Unit Komunikasi Awam Sarawak (UKAS) majak chakah nambah literasi digital rayat nengah Program Hari Enggau Penguna diatur di Auditorium Dewan Bandaraya Kuching Utara (DBKU), Hari Enam.

Program nya ngaul bala Tuai Komuniti enggau Tuai Raban Bansa (KMKK) ngelingi Kuching enggau perati diberi bekunsi penerang enggau ngajar chara bekenaka aplikasyen digital Perintah Sarawak.

Entara aplikasyen ti diterang iya nya Sarawak Pass enggau TALIKHIDMAT Mobile Apps, mungkur pekara matak, rejista enggau chara ngena ngambi nyamai akses ngagai servis perintah nengah tali arus.

Inisiatif nya seriris enggau agenda pendigitalan dipejalaika Premier Sarawak enggau tuju negapka pengawa ngenataika servis ngagai rayat enggau sikar sereta efisien agi.

Program nya pengawa begulai entara UKAS, Unit Digitalisasi Servis Perintah Sarawak (SCSDU) sereta Sarawak Information System Sdn. Bhd. (SAINS).

Program udah dipenyadi Direktor UKAS, Awang Putrayusrie Awang Redzuan.

Sama datai, Sapit Direktor Opis Servis Pekara Wang Kaunsil Mengeri Kuching Utara (DBKU), Abang Iskandar Bolhassan, Penyelia Sarawak Service Bagi Menua Kuching, Leonardo Anthony sereta pengari TALIKHIDMAT Call Centre, Puan Norhayati.-EDISI UKAS