KUCHING: Yang di-Pertua Negeri Sarawak Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi udah nerima penemuai basa ari delegit Gerempung Orang Ulu Sarawak (OUNA) di Astana Sarawak ditu, Hari Tiga.

Penemuai basa nya betuaika Presiden OUNA, Dato Dr. Abu Bakar Abdullah @ Tom Belarek.

Tuju penatai penemuai basa nya dikena ngelaluka Tun Pehin Sri Dr Wan Junaidi enggau Toh Puan nyadi temuai dipebasa Pengerami Makai Lemai Selamat serimbai Nyambut Jubli Intan 60 Taun OUNA ke deka diatur Julai tu di Miri.

Maya nya mega, Tun Pehin Sri bisi bekunsika peneleba iya maya gawa nyadi Polis Kampung kelia alai tim sida tebal agi bansa Iban enggau Orang Ulu.

Kelimpah ari nya, iya bekunsi cherita maya gawa di ulu sungai menya.

Jaku enggau penemu dibantaika iya maya nya meri peransang ngagai bala delegit ba pemesai reti nyaga pemanah kaul pupu bansa di nengeri tu. -EIDISI UKAS