KUCHING: Opis Asil Dalam Nengeri Malaysia (LHDN) udah ngatur penemuai basa ngagai Yang Di-Pertua Negeri Sarawak, Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi di Astana Negeri Sarawak, Hari Tiga.
Delegit LHDN nya betuaika Tuai Pegawai Eksekutif Datuk Dr Abu Tariq Jamaluddin enggau Direktor Nengeri Sarawak, Abang Ehsan Abang Abu Bakar sereta pemesai opis nya ke bukai.
Datuk Dr Abu Tariq madah, tuju penemuai basa nya dikena nerang pekara ke nyadi bekaul pengawa mupu chukai sereta pengawa bejalaika macham inisiatif LHDN di nengeri tu.
Iya bela nerangka pengawa bejalaika e-inovois ke diatu udah datai ba renggat keempat ke mungkur kompeni mit enggau jelan pemesai (PKS).
Iya mega madah, LHDN Sarawak deka majakka pengawa nyaup sereta nyukung PKS ba selampur nengeri dikena nentuka sida besedia sereta ulih ngena sistem e-invois enggau mujur.
Penemuai basa LHDN maya nya bela mandangka kaul strategik enggau institusyen nengeri tu lalu nentuka sistem mupu chukai menua meruan mujur ba renggat nengeri Sarawak. -EDISI UKAS
