Yang di-Pertua Negeri Sarawak Nerima Penemuai Basa Ustaz Abdul Somad
KUCHING: Yang di-Pertua Negeri Sarawak Tun Pehin Sri Dr Wan Junaidi Tuanku Jaafar sereta bini, Toh Puan Datuk Patinggi Fauziah Mohd Sanusi nerima penemuai basa pendakwah tebilang ari Indonesia, Prof Ustaz Dr Abdul Somad Batubara di Astana Negeri Sarawak kena Hari Satu.
Penatai Ustaz Abdul Somad di Astana Negeri Sarawak pengudah nerima kangau ari nerima Tun Pehin Sri Dr Wan Junaidi ungkup ngelimpangka awak berandau sereta nanya ke rita.
Sama datai, Konsulat Jenderal Indonesia di Kuching, Sarawak Dr Abdullah Zulkifli.
Tun Pehin Sri Dr Wan Junaidi ba penemuai basa nya bekunsi pasal peneleba gawa sekumbang nyadi TYT Sarawak sereta bekunsi sejarah enggau pemansang Malaysia ari suba nyentuk diatu.
Penemuai basa nya mega hari kepenudi Ustaz Abdul Somad di Sarawak sebedau mupuk pulai ke Pekanbaru, Indonesia.
Iya di Sarawak ungkup pejalai safari dakwah ti berengkah Hari Enam tu tadi lalu tembu sehari tu.
Nya program ninting taun iya ungkup berdakwah di Tanah Kenyalang ke alai iya udah meri licha ba Masjid Darul Mutaqqin Kampung Buntal, Masjid India Bandar Kuching, Surau Ibadurrahman Sekula Sekondari (SMK) Agama Matang 2 sereta Dewan Datuk Patinggi Ali Gedong. -EDISI UKAS
