BINTULU: Kontinjen tuai rumah, Sarawak, pegari ba achara bocce lebuh menang dua midul emas ba kategori beregu lelaki rambau pekit Special Olympics Malaysia 6th National Games Sarawak 2026 diatur di Stadium Muhibbah Bintulu kena Hari Minggu.

Ba kategori Beregu Lelaki Gerup 2, Ethan Teo Zu Cheng bepadu enggau Mohamad Lylia Danial Abdullah ari tim Sarawak ‘A’ menggi gelar champion lebuh nyulut sekumbang bepekit.

Seraya siti da emas diulih ari Beregu Lelaki Gerup 3 lebuh Mohamad Adam Ashraff Abdullah enggau Frederick Tay Li Xian ari tim Sarawak ‘B’ menang enggau begaya.

Sapit Menteri Pemansang Indu, Nembiak Mit enggau Pengelantang Komuniti Sarawak, Datuk Mohammad Razi Sitam datai bejadi pengawa nyua midul ngagai bala pemenang, lalu meri sukung tegut perintah nengeri ngagai pemansang atlit begunaka bantu khas.

Iya mega sama nurun ba pekit bebakih bocce begulai enggau Direktor Opis Pengintu Pengelantang Mensia Mayuh Sarawak, Semawi Mohamad, ke alai seduai enggau atlit Special Olympics ari Pulau Pinang sereta Wilayah Persekutuan Putrajaya bemain enggau pengeransing ati sereta inklusiviti.

Pekit nya diatur ukai semina nyadi pelasar nyidi penau atlit aja, tang negap penyerakup, pengandal kediri sereta inklusiviti rama ba komuniti, seriris enggau juluk Sarawak nempa komuniti ti inklusif agi enggau lantang.-EDISI UKAS