KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg ngelimpangka awak diri ngelawa rumah niang Datin Patinggi Puan Sri Dr. Yong Sau Kan, tokoh indu Sarawak ti midang kena Hari Enam tu tadi ba umur 100 taun.

Penatai Premier urung pukul 3.20 ngalih hari kena Hari Satu nya kelai ngenang jasa besai niang ngagai rayat enggau meri basa kepenudi ngagai niang.

Nyambut penatai Premier ba rumah niang di Jalai Tabuan ditu iya nya dua anak niang, Dr. Wong Chee May enggau Wong Chee Ling.

Datin Patinggi Puan Sri Dr. Yong Sau Kan nya rambang ex- Sapit Kepala Menteri Sarawak, niang Datuk Patinggi Tan Sri Wong Soon Kai.

Sepanjai idup, niang entara orang ti chukup talukka pengawa politik laki iya kenyau ari nyadi kaban Parti Sa’ati Rayat Sarawak (SUPP) taun 1978.

Niang deka dianjung ke Pendam Nirvana, Bau kena 28 April tu.-EDISI UKAS