KUCHING: Sekretari Perintah Sarawak, Datuk Amar Mohamad Abu Bakar Marzuki nerima penemuai basa Tuai Sekretari Opis Menteri Raban Nembiak enggau Lumba (KBS), Dato’ Rahimi Ismail ba opis iya di Wisma Bapa Malaysia ditu, Hari Dua.

Penemuai basa nya bela disempulang Sapit Sekretari Perintah Sarawak (Operasyen) Datu Hii Chang Kee sereta raban KBS ke bukai.

Tu penemuai basa keterubah Dato' Rahimi ngagai Datuk Amar Mohamad Abu Bakar sepengudah dichiri nyadi Tuai Sekretari Opis Menteri Raban Nembiak enggau Lumba kena 9 Mac tu tadi.

Sebedau nya iya megai pengawa nyadi Sekretari Perintah Nengeri Perlis.

Ba penemuai basa nya, pekara bekaul pemansang raban nembiak enggau lumba bisi dirandau lebih agi bekaul pengawa Sarawak nyadi komiti pengatur Lumba SEA 2027.-EDISI UKAS