KUANTAN: Penemuai basa Sapit Premier Sarawak, Datuk Amar Awang Tengah Ali Hasan ngagai Menteri Besai Pahang, Dato’ Sri Wan Rosdy Wan Ismail nyadi siti pengeransing nempa kerejasama dua buah nengeri nya.'
Datuk Amar Awang Tengah betuaika delegit Perintah Sarawak ngatur penemuai basa nya serimbai Showcase Orang Dagang Sarawak 2026, Hari Tiga tu tadi.
Iya maya nya disempulang Penyanding Penemu Opis Dagang Antarabansa, Industri enggau Pemeranak Puku Sarawak (MINTRED), Dato Sri Naroden Majais enggau Sekretari Mendam MINTRED, Datu Lester Matthew.
Sekeda ari pekara ke dirandau maya nya nyengkaum ngenegapka kaul ekonomi enggau dagang Sarawak enggau Pahang.
Kelimpah ari nya, bela dirandau iya nya pengulih numbuh servis logistik ti lebih agi efisyen dua buah nengeri nya ke mungkur langgur penerebai bilun terus, ngemuntangka pejalai temuai, orang dagang sereta pemeranak puku.
Kerejasama penyangkai kapal di Pahang enggau Sarawak bela dipeda bisi pengulih nyungkakka pengawa dagang lebih agi ba industri halal enggau dagang temuai kapal.
Datuk Amar Awang Tengah madah, Sarawak semampai ngelaluka kerejasama strategik enggau nengeri bukai ketegal ngira pulaikka pemaik baka ba dagang, dagang temuai, pemeranak puku sereta pemansang dagang mit enggau jelan pemesai. -EDISI UKAS
