KUCHING: Bisi 149 iku nerima Darjah-Darjah Kebesaran Negeri Sarawak ba pengawa ke diatur di Astana Negeri Sarawak, Hari Empat.
Pengawa nya dipenyadika Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar ti bela digulu Toh Puan Datuk Patinggi Fauziah Mohd Sanusi.
Pengawa nya dipunka Dr. Hadi Ab Jalil nerima Darjah Yang Amat Mulia Bintang Sarawak Pegawai Bintang Sarawak (P.B.S).
Nangkan nya, Darjah Utama Yang Amat Mulia Bintang Kenyalang Sarawak Pegawai Bintang Kenyalang (P.B.K) disuaka ngagai 13 penerima lalu Pingat Pentadbiran Awam Pingat Perkhidmatan Bakti (P.P.B) diberi ngagai 18 penerima.
Darjah Yang Amat Mulia Bintang Sarawak Ahli Bintang Sarawak (A.B.S) diberi ngagai 10 penerima, ditangkan 25 penerima diberi Darjah Utama Yang Amat Mulia Bintang Kenyalang Sarawak Ahli Bintang Kenyalang (A.B.K).
Pingat Pentadbiran Awam Pingat Perkhidmatan Terpuji (P.P.T) disua ngagai 38 penerima lalu 44 penerima diberi Darjah Yang Amat Mulia Bintang Sarawak Bentara Bintang Sarawak (B.B.S).
Bela datai ba pengawa nya, Sekretari Perintah Sarawak Datuk Amar Mohamad Abu Bakar Marzuki enggau bini, Datin Amar Baduyah Bujang, Sapit Menteri ba Opis Premier Sarawak (Integriti & Ombudsman) Datuk Dr. Juanda Jaya, Sapit Menteri Raban Nembiak, Lumba enggau Pemansang Orang Dagang Sarawak Datuk Gerald Rentap Jabu enggau Direktor Mufti Sarawak Ahmad Sukarno Saini.-EDISI UKAS
