KUCHING: Pekara pengelantang enggau pengelikun raban pengereja patut diberi perati belama nyadi pun pemansang Sarawak ti meruan enggau sebela.

Yang Di-Pertua Negeri Sarawak, Tun Pehin Sri Dr. Wan Junaidi Tuanku Jaafar madah, tetiap kereja, nadai ngira sektor perintah tauka peribit, bisi pangku pengawa kediri ti gawa ke ekonomi tumbuh enggau pengelantang rayat.

Ku iya, rambai jaku taun tu, “Pengereja Kesuma Bansa” sereta rambai jaku Sarawak ‘Kereja Nyulut, Sarawak Maju Lantang’ ngayanka pangku pengawa besai pengereja nyadi kedap pemansang nengeri.

Iya nyebut jaku nya ba pesan khas serimbai ngintu Hari Pengereja sehari tu.

Iya mega meransang semua raban terus mekuh budaya kereja
profesional, bisi integriti sereta begempung gawa.

Tun Pehin Sri Dr. Wan Junaidi andal, ari kerejasama rat entara pengereja, pengaji enggau perintah, Tanah Kenyalang deka nyingkang maju nyadi nengeri lantang, besemekih enggau dipebasa ba tikas antarabansa. -EDISI UKAS