MIRI: Borneo International Robot Tournament (Borneo IRT) 2026 deka diatur berengkah 6 ngagai 9 Mei tu di Meritz Hotel.

Program betikas antarabansa nya diatur Gerempung Apai Indai enggau Pengajar (PIBG) SMK Chung Hua (CF) Miri begulai enggau Gerempung Ex-Nembiak sekula nya lalu disukung agensi bukai nyengkaum Opis Menteri Pelajar, Inovasyen enggau Pemansang Pengelandik Sarawak.

Pekit renggat keempat nya ditandu kenyau ari taun 2019, 2024 enggau 2025 alai serak tu deka dirichah enggau 'Robomission Battle LEGO Education SPIKE Prime'.

Pekit nya disadang digulu urung 1,000 nyentuk 1,200 penyereta nyengkaum bala pegawai datai ari menua tu enggau menua bukai ti mungkur 288 tim ari nembiak sekula beumur 9 ngagai 21 taun.

Menua ke disadang deka ngambi bagi ba pekit nya nyengkaum Amerika Syarikat, China, Jepun, Korea Selatan, Jerman, Kanada sereta beberapa bengkah menua ari Asia enggau Eropah.

Bisi enam iti kategori pekit maya nya ila baka Robomission Battle, RoboSport (Double Tennis), RoboSumo enggau League of Mecha-clash (LOM) Matrix.

Kelimpah pekit, program serak tu bela disempulang konferens robotik antarabansa enggau program penyereta begulai enggau pakar teknologi. -EDISI UKAS